Ógleði.

Þetta er svona frétt sem virkilega situr í manni...

Sér í lagi eru tvær ástæður fyrir því að þessi frétt fer virkilega illa í mig.

Í fyrsta lagi hefur þarna átt sér stað viðbjóðslegur glæpur. Það getur aldrei farið vel í mann.

Það sem fer þó verr í mig er sá vægi fangelsisdómur sem sakborningur fékk. Í mínum huga er 10 ára fangelsisdómur ekki mikil refsing fyrir sálarmorð á barnungri stúlku. Af þeim glæpum sem hægt er að fremja er misnotkun á börnum (að mínu mati) með þeim allra verstu sem hægt er að hafa á samviskunni.

Það sem er þó verra er sú staðreynd að hann hefði fengið ennþá vægari dóm hefði málið komið upp á Íslandi.

Hámarksrefsing fyrir barnaníð á Íslandi er, skv. 202. grein almennra hegningarlaga, 16 ára fangelsi. Aldrei skal dæma einstakling í fangelsi í skemmri tíma en eitt ár. Skemmst er frá því að segja að hámarksrefsingu í þessum efnum er sjaldan (eða aldrei) beitt. Því sleppa gerendurnir nokkuð vel með sinn glæp.

Ég spyr: Af hverju nýtur þetta fólk mannréttinda?

10 ára fangelsi er ekki réttmæt refsing fyrir sálarmorð á ungri stúlku. Gelding, hins vegar...

Vinsamlegast kjósið mig í Alþingiskosningum þegar að því kemur. Takk.

Barnaði ellefu ára stúlku

Það er þá greinilegt að...

...Craig Bellamy hugsar um annað en peninga í þessu tilviki. Walesverjarnir eiga ekki krónu með gati og geta varla borgað honum einhver stjörnulaun...nú, nema Peter Ridsdale hafi selt fiskabúrið úr fundarherbergi stjórnarinnar. Lag í tilefni bloggsins og í tilefni þess að FH vann KR í bikarnum í gær, og það sannfærandi! :)

Bellamy á leið til Cardiff

Enginn smá leikur framundan!

FH-KR, tvö stórveldi að berjast um bikarinn. Langþráður leikur svo ekki sé meira sagt. Ætli þetta verði best sótti bikarúrslitaleikur sögunnar? Eitt lag í lokin...minni FH-inga á innihald textans!

KR náði fram hefndum með stæl

Kærumál a la Bandaríkin?

Bandaríkjamenn hafa lengi verið þekktir fyrir það að kæra hvorn annan við minnsta tilefni. Sum tilefni ansi fáránleg, eins og t.d. þegar kona ein kærði örbylgjuofnaframleiðanda um bætur vegna kattar síns - en hann hafði hún sett í örbylgjuofninn vegna þess hve blautur hann var. Hann sprakk. Bar því við að framleiðandinn hefði ekki varað hana við því að það mætti ekki setja köttinn í örbylgjuofninn. Hún vann. BASIC.

En nú er pælingin...er þetta sambærilegt? Þetta eru ekki svipuð mál að neinu leiti...en hefur dómurinn rétt á sér?

Fimm ára ranglega sakaður um þjófnað

Flottur leikur - flott stemning!

Jæja, flottur leikur tveggja flottra liða og ánægjulegur sigur fyrir mína menn. Víkingar úr Ólafsvík veittu okkur góða keppni - jafnvel meiri en Haukarnir gerðu á sunnudagskvöldið sem leið. Stemningin á vellinum var ekki af verri endanum, og frammistaða Ólsara á pöllunum vakti aðdáun mína. Alltaf jafn gaman þegar bæjarfélög taka sig upp og flykkjast á svona stórleiki, rétt eins og þegar Hólmarar flykkjast á leiki Snæfells út um víðan völl. Öll Öskubuskuævintýri verða að taka enda, því miður fyrir okkur sem eru unnendur þess þegar lítilmagninn sigrar að lokum. Það eru því blendar tilfinningar að leik loknum...allavega hérna megin. Ákvað að skella inn einu lagi, til heiðurs Ólsara. Eitt af mínum uppáhalds - titillinn segir allt sem þarf. :)

Bikarævintýri Ólsara lauk í Kaplakrika

Aldrei í vafa...

...annað en fyrri leikur liðanna, sem bæði lið gátu unnið. Flott að sjá mína menn spila, blússandi sóknarbolti (meira að segja þegar þeir voru manni færri). Vonandi það sem koma skal og svo sannarlega það sem við þurfum að halda áfram ef við ætlum að komast upp fyrir Eyjamenn og Blika. Bæti við lagi í tilefni dagsins.

Atli Viðar og Ólafur Páll sáu um Hauka

Lítur allt út fyrir það að...

...Blikarnir stingi af í Pepsi-deildinni þetta árið. Ég bara sé það ekki gerast eins og er að þeir geri mistök. Þessi leikur er auðvitað ekki búinn, en fari hann eins og allt stefnir í þá getum við reiknað með því að bikarinn fari í Kópavoginn að þessu sinni.

Tryggvi tryggði ÍBV sigur á Val

Manic Street Preachers...

...bregðast mér aldrei. Ég hef löngum verið aðdáandi Walesverjanna, ekki síðst vegna þess að söngvarinn styður sama félagslið og ég. Þeir hafa gert nokkur góð "cover", en þetta er best að mínu mati. Vildi bara opna þetta blogg að nýju með einhverjum hætti. Hví ekki að gera það á tónlistarlegan máta? Kveðja, Árni Freyr